تكفى ترى تكفى راحت بها اكفان

[رهينة المشاعر]

مساءكم & صباحكم ورد وفل


طبعاً الكل يعرف كلمة تكفى بس القليل يقدر هالكلمه
فحبيت اعرف مين يقدر هالكلمه منكم
وموضوعي يميل اكثر للشباب




تكفى ترا تكفى راحت بها اكفان
اقهر قهر لا من تولعت بانسان
يصد وماتدري وش الي جراله
مدري زعل والاجفا او هو نسيان
احترت وحيرت القوافي بداله
تكفى ترى تكفى راحت بها اكفان
رد الجواب واكتبه في رساله

هينا وصلت مواصيل الكفن...


احذف الروح حذفى
ولا اطيع في ممشاي هرج العواذيل
ماني من اللي لا انتخوا فيه قفى
يضرب جلى ويشكل الوضع تشكيل
قليل فود.ن. بيهتز كلي هز من قول " تكفى"
و"تكفى" على خبر تهز الرجاجيل
اليا انتخى بي صاحبي جيت زحفى
لا قال" تكفى" يعتريني هرافيـــل
امشي لو ان النور عندي مطفي
و"تكفى"تمشيني على العدل والميل
ماتهمني طلعه ونزله ولفى
متهورن والله عليه التواكيل
على المنايا اللوازم تخفى
وبو قت الرخى محد.ن. وصل له مواصيل

. . . . . . . . . .
ماجيتك اشحذ يانما دله وهيل
جيتك وجرح الضيم غاديه ياشفا
جيتك بكلمه كنها صعقه الويل
لا قلت تكفى لاتهاون بتكفى
تكفى تراها كلمةٍ تقطم الحيل
لا بالله الا تنسف الحيل نسفا
تكفى ترا كلمه لها تسرج الخيل
ان كان لك في مجمع الخيل عسفا
تكفى تراني من قرومٍ مشاكيل
حماية الساقه بسيفٍ وشلفا
تكفا وتكفا ما تساق لمهابيل
تكفى تخلي القرم لاشٍ وهطفا
تكفى ترا تكفى تهز الرجاجيل
لولا ضروف الوقت ماقلت تكفى

. . . . . . . . . .


هل فعلاً تكفى تهز الرجال؟

لماذا؟

وهل توجد لها مناسبه لتهزه ؟ام هي في كل وقت كلمة تكفى تهزه؟


وماذا يهز الرجل ايضاً؟

ام كل هذا حكي شعراء لا غير..؟


واتمنى يكون اعجبكم

[الخلود]

السلام عليكم ورحمة الله وبركاته

الهدف الأساسي من كلمة تكفى هي النخوة
والنخوة عند العرب شيء كبير وفيها أمر عظيم
وهي بديل لكلمة دخيلك يا فلان

ودمتم،،،،

[فــااااقــد وفــااء]

لا ازيد على كلام اخي عطوف

هي نخوة عند العرب والنخوة شي كبير